Skip to content

Fjarfyrirlestrar um minnisteikningu og úrvinnslu tilfinninga, 18. apríl 2020

Minnisteikning

Dr. Unnur Guðrún Óttarsdóttir listmeðferðarfræðingur flytur fjarfyrirlestrana „Unnið úr tilfinningum og námsefni lagt á minnið með minnisteikningu”. Tilefnið er niðurstöður minnisteiknirannsóknar sem birtar voru nýlega í tímaritinu ATOL: Art Therapy OnLine.

Rannsóknin var framkvæmd í tveimur hlutum. 134 þátttakendur tóku þátt í þeim hluta rannsóknarinnar þar sem samanburður var gerður á áhrifum á minni þegar innihald orða var teiknað og orð skrifuð niður. Sumir þátttakendurnir rifjuðu upp orðin og teikningarnar þremur vikum eftir upphaflegu minnisæfinguna og aðrir rifjuðu upp níu vikum seinna. Rannsóknin sýndi að teikning er áhrifarík minnistækni þegar til langs tíma er litið. Þátttakendurnir mundu að jafnaði fimm sinnum fleiri myndir sem þeir höfðu teiknað heldur en orð sem þeir höfðu skrifað níu vikum áður. Rannsókn á minni og teikningu sem nær yfir svo langan tíma hefur eftir því sem best er vitað ekki verið gerð áður í heiminum.

Í öðrum hluta rannsóknarinnar var sjónum beint að því hvernig minnisteikning getur auðveldað fólki úrvinnslu tilfinninga samhliða námi. Rannsóknin er sett í samhengi við þekktar aðferðir, kenningar og rannsóknir af svipuðum meiði. Áhorfendum á fyrirlestrinum er boðið að taka þátt í teikni- og skrifæfingu sem skýrir hvernig hluti rannsóknarinnar var framkvæmdur. Æfingin veitir persónulega innsýn í það hvernig teikning og skrif hafa áhrif á minni.

Ýtarlegar upplýsingar um minnisteikningarrannsóknina má finna í greininni „Unnið úr tilfinningum og námsefni lagt á minnið með minnisteikningu” sem birt var 2019 í tímaritinu ATOL: Art Therapy OnLine.

Ummæli

„Ég var mjög uppnumin eftir fjarfyrirlestur Unnar um listmeðferð og hennar frásögn af sínum rannsóknum, mér fannst áhrifaríkt og merkilegt að gera tilraunina sem við tókum þátt í meðan á fyrirlestrinum stóð og niðurstöðurnar hjá mér sjálfri komu mér vægast sagt á óvart. Þar sem fyrirlesturinn er tveir klukkutímar fannst mér mjög gott að fá 10 mínútna pásuna sem Unnur gaf okkur eftir klukkutíma og losar hún mann við allt stress um að missa af einhverju ef maður þarf að hlaupa á snyrtinguna eða bara fá sér kaffibolla. Kærar þakkir Unnur fyrir fróðleikinn og góða stund.“

Björg Stefánsdóttir nemandi í safnafræði við Háskóla Íslands og fyrrverandi forstöðumaður Kynningarmiðstöðvar íslenskrar myndlistar.

Dagsetningar og tími fjarfyrirlestranna (London tími): 

  • laugardagur, 18. apríl 2020, kl 13:00
  • laugardagur, 18. apríl 2020, kl 01:00

Fjarfyrirlestrarnir fara fram á ensku og eru þeir eru opnir og fríir fyrir alla áhugasama um málefnið. Vinsamlegast skráið ykkur hér: