Skip to content

Fyrirlestur í ReykjavíkurAkademíunni um minnisteikningu og úrvinnslu tilfinninga 1. febrúar 2020

Minnisteikning

Dr. Unnur Guðrún Óttarsdóttir listmeðferðarfræðingur flytur fyrirlesturinn: „Unnið úr tilfinningum og námsefni lagt á minnið með minnisteikningu“  í 1. febrúar 2020. Tilefnið er niðurstöður minnisteiknunarrannsóknar sem birtar voru nýlega í tímaritinu ATOL: Art Therapy OnLine.

Rannsóknin var framkvæmd í tveimur hlutum. 134 þátttakendur tóku þátt í þeim hluta rannsóknarinnar þar sem samanburður var gerður á áhrifum á minni þegar innihald orða var teiknað og orð skrifuð niður. Sumir þátttakendurnir rifjuðu upp orðin og teikningarnar þremur vikum eftir upphaflegu minnisæfinguna og aðrir rifjuðu upp níu vikum seinna. Rannsóknin sýndi að teikning er áhrifarík minnistækni þegar til langs tíma er litið. Þátttakendurnir mundu að jafnaði fimm sinnum fleiri myndir sem þeir höfðu teiknað heldur en orð sem þeir höfðu skrifað níu vikum áður. Rannsókn á minni og teikningu sem nær yfir svo langan tíma hefur, eftir því sem best er vitað, ekki verið gerð áður í heiminum.

Í öðrum hluta rannsóknarinnar var sjónum beint að því hvernig minnisteikning getur auðveldað fólki úrvinnslu tilfinninga samhliða námi. Rannsóknin er sett í samhengi við þekktar aðferðir, kenningar og rannsóknir af svipuðum meiði. Áhorfendum á fyrirlestrinum er boðið að taka þátt í teikni- og skrifæfingu sem skýrir hvernig hluti rannsóknarinnar var framkvæmdur. Æfingin veitir persónulega innsýn í það hvernig teikning og skrif hafa áhrif á minni.

Ýtarlegar upplýsingar um minnisteikningarrannsóknina má finna í greininni „Unnið úr tilfinningum og námsefni lagt á minnið með minnisteikningu“ sem birt var 2019 í tímaritinu ATOL: Art Therapy OnLine. http://journals.gold.ac.uk/index.php/atol/article/view/486/pdf

Fyrirlesturinn fer fram kl. 14:00 í ReykjavíkurAkademíunni þann 1. febrúar 2020:

Þórunnartúni 2
105 Reykjavík
Þátttökugjald er 7.500 kr

Fyrirlesturinn er opinn öllum áhugasömum um minnisteikningu.
Sætafjöldi takmarkaður og því nauðsynlegt að skrá sig.

Hægt er að skrá sig hér og greiða fyrir þátttöku í gegnum örugga greiðslugátt Kortaþjónustunnar hér fyrir neðan.

Fyrirlestur um minnisteikningu og úrvinnslu tilfinninga með dr. Unni Óttarsdóttur
Hvenær: 1. febrúar 2020 kl 14:00.
Hvar: ReykjavíkurAkademían, Þórunnartúni 2, 105 Reykjavík
7.500 ISK