Námskeið

Í Listmeðferð Unnar er boðið upp á ýmis námskeið fyrir starfsfólk stofnana, félagasamtök og aðra hópa. Námskeiðin eru haldin bæði í Listmeðferð Unnar og á öðrum stöðum eftir óskum hverju sinni. Vinsamlegast hafið samband með tölvupósti á netfangið unnur@unnurarttherapy.is til að fá frekari upplýsingar.

Námskeið – Listmeðferð í námi I

Á námskeiðinu öðlast þátttakendur innsýn í kenningar og aðferðir listmeðferðar í námi í fyrirlestrum, lestri, skriflegum verkefnum, umræðum og vinnustofum þar sem nemendur taka þátt í sköpunarferli og upplifa þá möguleika sem það veitir. Þekking á eigin myndmáli eykur sjálfsmeðvitund og möguleika á að koma öðrum til hjálpar þegar vandi steðjar að. Á námskeiðinu eru kynntar myndsköpunaraðferðir sem efla sköpunargáfu, auka námsgetu, styrkja sjálfsmynd, efla sjálfsþekkingu og bæta líðan. Kynntar eru hugmyndir, kenningar og aðferðir til að nýta listmeðferð í skólum.

Námskeið – Listmeðferð í námi II

Námskeiðið er ætlað öllum sem hafa áhuga á listmeðferð, svo sem einstaklingum sem hafa hug á að læra og starfa við fagið. Námskeiðið nýtist einnig fagfólki sem óskar eftir að öðlast aukinn skilning á listsköpun sinni, skjólstæðinga eða nemenda sinna með það að markmiði að stuðla að bættri líðan, auknum þroska og/eða að auðvelda skjólstæðingum og nemendum nám. Námskeiðið hentar vel fyrir einstaklinga sem starfa innan menntakerfisins. Þátttakendur þurfa að hafa grunnþekkingu á listmeðferð, svo sem að hafa lokið námskeiðinu Listmeðferð í námi I.