Langar þig að efla sköpunargáfu þína og skjólstæðinga þinna? Vilt þú skilja hvernig hugsanir og tilfinningar eru tjáðar með listsköpun? Óskar þú eftir að afla þér upplýsinga um hvernig mögulegt er að auka styrk og bæta líðan með myndsköpun?
59.500 kr.
Námskeiðið er ætlað öllum áhugasömum um listmeðferð sem hafa áður verið á listmeðferðarnámskeiði hjá Unni Óttarsdóttur, þar með töldum einstaklingum sem hafa hug á að læra og starfa við listmeðferð. Námskeiðið nýtist einnig fagfólki sem óskar eftir að öðlast aukinn skilning á listsköpun með það að markmiði að stuðla að bættri líðan og auknum þroska skjólstæðinga sinna og nemenda.
Nemendur þurfa að hafa lokið grunnnámskeiði/inngangsnámskeiði hjá Unni Óttarsdóttir. Nemendur sem hafa áður verið á námskeiði hjá Unni fyrir 2024 þurfa að ljúka viðbótargrunnnámskeiði í listmeðferð til að geta skráð sig á framhaldsnámskeið sem hefst í janúar 2022 við Símenntun Háskólans á Akureyri.
Á námskeiðinu öðlast nemendur innsýn í grunnhugtök og aðferðir listmeðferðar í gegnum fyrirlestra, lestur, verkefnavinnu, umræður og vinnustofur þar sem þátttakendur taka þátt í sköpunarferli og upplifa þá möguleika sem það býður upp á. Þekking á eigin myndmáli eykur sjálfsmeðvitund og möguleika á að koma öðrum til hjálpar þegar vandi steðjar að. Á námskeiðinu eru kynntar myndsköpunaraðferðir sem efla sköpunargáfu, styrkja sjálfsmynd, mynda tengsl, efla sjálfsþekkingu og bæta líðan. Ekki er gerð krafa um að þátttakendur þekki til myndlistar eða hafi reynslu af listsköpun.
Fös. 24. október 13:00-18:00
Lau. 29. nóvember 10:00-17:00
Skráning fer fram með tölvupósti á unnur@unnurarttherapy.is og með millifærslu á eftirfarandi reikning:
0111-26-84867
Kt. 270862.2179
Námskeiðsgjald er kr 59.500.-.
Fyrirhugað nám í listmeðferð
Unnið er að því að koma á fót diplómanámi í listmeðferð sem miðað er við að verði viðurkennt af Félagi listmeðferðarfræðinga á Íslandi og að það veiti réttindi til að starfa við listmeðferð. Viðbótargrunnnámskeið mun verða metið upp í fyrirhugaða námsleið.
